Vífilsstaðaland
Aðalskipulagsbreyting og deiliskipulagstillögur
10.6.2020
Aðalskipulagsbreyting og deiliskipulagstillögur
VÍFILSSTAÐALAND
Bæjarstjórn Garðabæjar
auglýsir í samræmi við 1. mgr. 31. gr., sbr. 36. gr., og 1. mgr. 41. gr.
skipulagslaga nr. 123/2010 tillögu að breytingu á Aðalskipulagi Garðabæjar
2016-2030 sem nær til Vífilsstaðalands og
þrjár deiliskipulagstillögur sem eru innan þess svæðis. Deiliskipulagstillögurnar eru Vetrarmýri -
miðsvæði, Hnoðraholt norður og Rjúpnadalur.
Við gildistöku
deiliskipulags Hnoðraholts norður og deiliskipulags Vetrarmýrar miðsvæði fellur
úr gildi deiliskipulag Hnoðraholts- og Vetrarmýrar frá 1996 með síðari
breytingum.
Aðalskipulag Garðabæjar 2016-2030, tillaga að
breytingu. Rammahluti Vífilsstaðalands.
Breytingartillagan nær
til Þróunarsvæðis B eins og það er skilgreint í aðalskipulagi, Hnoðraholts,
Vetrarmýrar, Vífilsstaða, Smalaholts og Rjúpnadals. Hún nær einnig til
Vífilstaðahrauns sem nýtur verndar sem fólkvangur.
Tillagan er sett fram sem
breytinga á aðalskipulagi með rammahluta aðalskipulags sbr. gr. 4.9. í skipulagsreglugerð
nr. 90/2013 og er ætlað að móta heildstætt skipulag byggðar sem byggir á sérstöðu
svæðisins og viðmiðum Svæðisskipulags höfuðborgarsvæðisins 2015-2040 um
samgöngumiðuð þróunarsvæði. Innan skipulagssvæðisins er m.a. gert ráð fyrir
miðsvæði með blandaðri byggð í góðum tengslum við nálæga íþróttastarfsemi og
almenningssamgöngur. Alls er gert ráð fyrir 2.000 -2.400 íbúðum á svæðinu,
samfélagsþjónustu, íþróttastarfsemi, útivistarsvæðum og náttúruverndarsvæði.
Lögð er áhersla á vistvænar samgöngur og fjölbreytt útivistarsvæði í góðum
tengslum við nálæga byggð og starfsemi. Gert er ráð fyrir að lega
Elliðavatnsvegar verði færð fjær Vífilsstaðavatni og útivistarsvæði umhverfis
vatnið gefið aukið vægi. Klassískt yfirbragð og sterk sjónræn nærvera
Vífilstaðaspítala er eitt af megin kennileitum svæðisins og er gert hátt undir
höfði m.a. Vífilsstaðaás, stíg í trjágöngum, sem framlengist frá miðju
Vífilsstaðaspítala upp hlíðar Hnoðraholts.
Samhliða er auglýst
tillaga að umhverfisskýrslu samkvæmt 7. gr. laga um umhverfismat áætlana nr.
105/2006.
Aðalskipulag
Garðabæjar 2016-2030. Tillaga að breytingu vegna rammahluta Vífilsstaðalands, sett
fram á aðalskipulagsuppdrætti með greinargerð og skipulagsskilmálum ásamt umhverfisskýrslu. Ásamt minnisblöðum.
Vetrarmýri, blönduð byggð. Tillaga að
deiliskipulagi.
Deiliskipulagstillagan
gerir ráð fyrir blandaðri byggð íbúða í fjölbýli, atvinnuhúsnæðis og verslunar auk íþróttamannvirkja. Einnig verða
byggð bílastæðahús á svæðinu. Hæðir húsa verða á bilinu 4-5 hæðir. Fjöldi íbúða
verður 658, atvinnuhúsnæði verður um 37.000 m2 og íþróttamannvirki
um 43.000 m2. Heildarbyggingarmagn ofanjarðar verður um 150.000 m2.
Áætlaður fjöldi bílastæða er um 2.700.
Hnoðraholt norður. Tillaga að deiliskipulagi.
Deiliskipulagstillagan
gerir ráð fyrir íbúðarbyggð í fjölbýli, rað-, og einbýlishúsum. Land hallar til
vesturs og norðurs. Atvinnuhúsnæði verður á norðvestur hluta skipulagsreitsins.
Hæðir íbúðarhúsa verða á bilinu 1-4 hæðir. Atvinnuhúsnæði verður 4 hæðir með
inndreginni 5 hæð þar sem hún er hæst. Fjöldi íbúða verður 448 og
atvinnuhúsnæði verður um 20.000 m2. Heildarbyggingarmagn ofanjarðar
verður um 64.000 m2. Áætlaður fjöldi bílastæða er um 1.050.
Rjúpnadalur. Tillaga að deiliskipulagi.
Tillagan gerir ráð fyrir
grafreit (kirkjugarði) á 4,9 ha lands. Gert er ráð fyrir byggingareitum fyrir
þjónustubyggingar fyrir grafreitsstarfsemi. Auk þess er gert ráð fyrir lóð
fyrir bálstofu og skógarduftreit sem tengjast henni. Sunnar grafreitsins er
gert ráð fyrir lóð fyrir meðferðarstofnun.
Húsakannanir og
fornleifaskráning eru kynntar samhliða auglýsingu skipulagstillagnanna.
Kynningarfundi verður streymt á Facebook síðu Garðabæjar fimmtudaginn
27. ágúst kl. 17:00. Þar verða tillögur kynntar og fyrirspurnum svarað. Hægt verður að senda rafrænar fyrirspurnir (komment) í gegnum Facebook á meðan á fundinum stendur eða með því að senda tölvupóst á netfangið skipulag@gardabaer.is og verður þeim svarað að lokinni kynningu.
Glærur frá kynningar-fjarfundiBent er á að í framhaldi af kynningarfundi geta aðilar leitað til skipulagsstjóra varðandi nánari upplýsingar og eftir atvikum óskað eftir fundi.
Tillögurnar liggja frammi á bæjarskrifstofu
Garðabæjar, Garðatorgi 7, frá 11. júní til og með 7. september 2020. Einnig eru
þær aðgengilegar á vef Garðabæjar. Þeir sem telja sig eiga hagsmuna að gæta er
gefinn kostur á að senda inn athugasemdir við tillögurnar. Frestur til að skila inn athugasemdum rennur út 7. september 2020.
Skila skal athugasemdum á bæjarskrifstofu Garðabæjar eða á netfangið skipulag@gardabaer.is