Virkniþing eldra fólks í Garðabæ haldið 26. ágúst
Virkniþing eldra fólks í Garðabæ fer fram í Miðgarði, þar verður sú fjölbreytta starfsemi sem eldra fólki í Garðabæ stendur til boða kynnt.
Virkniþing eldra fólks í Garðabæ verður haldið í Miðgarði þriðjudaginn 26. ágúst. Þar munu fara fram kynningar á þeirri fjölbreyttu heilsueflandi þjónustu og afþreyingu sem eldra fólki í Garðabæ stendur til boða.
Boðið verður upp á fróðlegt fræðsluerindi um einmanaleika sem tónlistarmaðurinn Svavar Knútur flytur. Kynningar verða á skapandi námskeiðum í Smiðjunni og frá fjölmörgum aðilum sem bjóða eldra fólki í Garðabæ þjónustu sína.
Garðabær, félög eldri borgara í Garðabæ og Álftanesi standa að virkniþinginu og er meginmarkmiðið að koma því fjölbreytta starfi sem í boði er á framfæri og stuðla á þann hátt að félagslegri virkni eldra fólks í Garðabæ og auknum lífsgæðum þeirra.
Íbúar Garðabæjar eru hvattir til að líta við í Miðgarð, þriðjudaginn 26. ágúst, frá klukkan 13:00 til 16:00.
Fjölbreytt dagskrá
Harpa Rós Gísladóttir opnar dagskrána klukkan 13.00, fróðlegur fyrirlestur Svavars Knúts um einmanaleika hefst klukkan 13:30. Garðálfarnir, kór eldri borgara, syngur klukkan 14.30.
Boðið verður upp á kaffiveitingar.
Þeir aðilar sem munu kynna þjónustu og starfsemi eru:
- Rauði krossinn, kynnir vinaverkefni sitt
- Bókasafn Garðabæjar
- Garðasókn
- Bessastaðasókn
- Heilsugæslan í Garðabæ
- Janus heilsuefling
- Golfklúbbur Garðabæjar og Kópavogs
- Tilveran heilsusetur
- IMG heilsurækt
Félag eldri borgara í Garðabæ kynnir:
- Leikfimi
- Stólajóga
- Vatnsleikfimi
- Zumba
- Línudans
Dansleikfimi
Boccia
Qi-gong
Félag eldri borgara á Álftanesi kynnir:
- Vatnsleikfimi
- Leikfimi
- Skapandi námskeið í Smiðjunni í Kirkjuhvoli