Fréttir: mars 2020

Garðyrkjustjóri Garðabæjar gerir árlega úttekt á trjágróðri við lóðarmörk. Úttektin er gerð til að fyrirbyggja slys, tjón og ýmis óþægindi sem getur fylgt því að gróður vaxi út fyrir rými sitt.

 Í Garðabæ eru margar skemmtilegar gönguleiðir bæði í þéttbýli sem og utan. Undanfarin ár hafa Garðabær og Wapp (Walking app) verið í samstarfi um birtingu gönguleiða eða svokallaðra söguleiða auk hreyfileiða, þ.e. hjóla- og hlaupaleiða, í Garðabæ í leiðsagnarappinu Wappinu. Leiðirnar í Garðabæ eru notendum smáforritsins Wapp að kostnaðarlausu í boði Garðabæjar.

Öll tímabilskort í sund og heilsurækt í Ásgarðslaug og Álftaneslaug verða framlengd um þann tíma sem lokun af völdum samkomubanns yfirvalda stendur. 

Í ljósi neyðarstigs almannavarna sem nú er í gildi vegna COVID-19 faraldursins eru íbúar og viðskiptavinir sem eiga erindi við bæjarskrifstofur Garðabæjar hvattir til að senda tölvupóst á gardabaer@gardabaer.is eða hringja í þjónustuverið í s. 525 8500 til að takmarka komur á bæjarskrifstofurnar.

Á fundi stjórnar Samtaka Sveitarfélaga á höfuðborgarsvæðinu þann 23.mars ákvað stjórn að leggja til við aðildarsveitarfélögin samræmdar tillögur er varða fyrirkomulag afslátta af þjónustugjöldum leik-, grunnskóla og frístundaheimila er koma til vegna Covid-19 veiru faraldsins.

Jóhann Skagfjörð Magnússon hefur verið ráðinn í starf skólastjóra Garðaskóla.

Heilbrigðisráðherra hefur ákveðið, í samræmi við tillögu sóttvarnalæknis, að takmarka samkomur enn frekar en áður vegna hraðari útbreiðslu Covid-19 í samfélaginu. Viðburðir þar sem fólk kemur saman verða takmarkaðir við 20 manns í stað 100 áður.

Á meðan á samkomubanni stendur er mikilvægt að sporna gegn félagslegri einangrun fólks. Hringjum í eldra fólk.

Frístundabíllinn í Garðabæ keyrir ekki dagana 16.- 20. mars vegna samkomubanns á landinu.

Vegna framkvæmda við endurnýjun lagna í Túngötu verður Norðurnesvegur þveraður á fimmtudag 19. mars nk. frá kl. 09:00 til kl 12:00.

Ársreikningur Garðabæjar fyrir árið 2019, sem lagður var fram á fundi bæjarráðs Garðabæjar 17. mars 2020 lýsir sterkri fjárhagsstöðu sveitarfélagsins.