Fréttir: maí 2019

Þriðjudaginn 21. maí sl. fengu nemendur í fimmta bekk Álftanesskóla fræðslu um fugla í vettvangsferð undir leiðsögn fuglafræðinganna Jóhanns Óla Hilmarssonar og dr. Ólafs Einarssonar náttúrufræðings. 

Rafrænar kosningar í lýðræðisverkefninu Betri Garðabær standa yfir til og með mánudagsins 3. júní. Betri Garðabær er samráðsverkefni íbúa og stjórnsýslu Garðabæjar um forgangsröðun og úthlutun fjármagns til smærri framkvæmda í nærumhverfi íbúa í Garðabæ.

Vinna er hafin við nýtt leiðanet Strætó, en það er skipulagt með því markmiði að tengja vagna Strætó við fyrsta áfanga Borgarlínu. Skipulagsbreytingar á Hlemmi og umferðarmiðstöð BSÍ kalla einnig á breytingu á núverandi leiðakerfi Strætó. Faghópur um almenningssamgöngur verkefnið var skipaður í byrjun febrúar og er áætlað að faghópurinn skili tillögu að nýju leiðaneti til stjórnar Strætó í nóvember á þessu ári.

Þriðjudaginn 28. maí er stefnt að því að malbika á Vífilsstaðavegi, hringtorg við Vífilsstaði og að Vetrarbraut. Einnig er stefnt að því að fræsa á Vífilsstaðavegi frá Litlatúni að Kirkjulundi. 

Gera má ráð fyrir truflun á rennsli kalda vatnsins í Búðum og Lundum út næstu viku.  

Bjarni M. Bjarnason rithöfundur er bæjarlistamaður Garðabæjar árið 2019.

Rafrænar kosningar í lýðræðisverkefninu Betri Garðabær eru hafnar og standa yfir til 3. júní. 27 verkefnum hefur verið stillt upp á rafrænan kjörseðil og geta íbúar kosið hér.

Þriðjudaginn 21. maí sl. var skrifað undir samninga vegna styrkja úr Þróunarsjóði leikskóla í Garðabæ. Alls voru veittir 13 styrkir til níu leikskóla.

Rafrænar kosningar í Betri Garðabæ hefjast 23. maí og standa yfir til 3. júní. Íbúar sem verða 15 ára á kosningaárinu og eldri, með skráð lögheimili í Garðabæ fá þar tækifæri til að ráðstafa allt að 100 milljónum í verkefni sem þeir vilja sjá framkvæmd í sveitarfélaginu næstu tvö árin. 

Tvö ný rafhjól hafa verið keypt fyrir bæjarstarfsmenn til að fara á milli stofnana í því skyni að efla vistvænar samgöngur og lýðheilsu starfsmanna. 

Árlegt hreinsunarátak Garðabæjar var haldið dagana 23. apríl – 7. maí sl. Íbúasamtök, nágrannar, félagasamtök og skólar í bænum hafa verið hvött til að taka þátt undanfarin ár með því markmiði að Garðabær verði snyrtilegasti bær landsins.