Fréttir: júlí 2018

G♭Jazz er djasshljómsveit sem samanstendur af nemendum á fjölbreyttum aldri úr Tónlistarskóla Garðabæjar.  Í sumar hefur hljómsveitin spilað ljúfa tóna víðsvegar um Garðabæinn.  

Bókasafn Garðabæjar hefur í sumar boðið upp á föstudagsföndur fyrir börn í safninu á Garðatorgi frá kl. 10-12.  

Skapandi sumarstörf eru hluti af sumarstarfi ungmenna í Garðabæ. Markmiðið með starfinu er að styðja við ungt skapandi fólk í bænum og veita því tækifæri til að vinna á markvissan hátt að verkefnum sínum. 

Persónuverndarstefna Garðabæjar var samþykkt á fundi bæjarráðs Garðabæjar 17. júlí sl. Stefnan gildir skv. lögum nr.90/2018 um persónuvernd og vinnslu persónuupplýsinga.

Krókur á Garðaholti er lítill bárujárnsklæddur burstabær í eigu Garðabæjar.   Krókur var endurbyggður úr torfbæ í nokkrum áföngum á fyrri hluta 20. aldar og er elsti hlutinn frá 1923. 

Opið er í Króki kl. 13-17 alla sunnudaga í sumar og ókeypis inn.

Jónsmessugleði Grósku var haldin í tíunda sinn fimmtudagskvöldið 21. júní sl. á göngustígnum við strandlengjuna í Sjálandi.

Þann 27. júní sl. var haldinn íbúafundur í Flataskóla þar sem tillögur að skipulagsáætlunum í Vífilsstaðalandi voru kynntar.

Hundum er bannaður aðgangur í friðlandi Vífilsstaðavatns yfir varptímann tímabilið 15. apríl til 1. júlí. Ákveðið hefur verið að framlengja hundabannið til 1. ágúst nk. vegna seinkunar á varpi hjá flórgoða og öðrum fuglum við vatnið.