Föstudagsföndur í bókasafninu
Bókasafn Garðabæjar hefur í sumar boðið upp á föstudagsföndur fyrir börn í safninu á Garðatorgi frá kl. 10-12.
-
Skiptibókamarkaður í bókasafninu
Bókasafn Garðabæjar hefur í sumar boðið upp á föstudagsföndur fyrir börn í safninu á Garðatorgi frá kl. 10-12. Föstudagsföndrið hefur verið af margvíslegum toga s.s. listasmiðja þar sem hægt var að búa til fána, límmiðasmiðja, origami- bókamerki búin til, skiptibókamarkaður, og bækur búnar til. Næstu föstudaga verður boðið upp á m.a. goggafjör, perlugerð, mandalakrítarlistaverkagerð og andlitsmálun í bókasafninu.
Á hverjum föstudegi hefur einnig lestrarhestur vikunnar verið dreginn út en það er sá eða sú einstaklingur sem hefur lesið mest í hverri viku í sumarlestrarátaki bókasafnsins fyrir grunnskólanemendur.
Sjá nánari upplýsingar um sumarstarf bókasafnsins á vefsíðu safnsins. Einnig heldur safnið úti fésbókarsíðu þar sem fylgjast má með starfinu .