Fréttir: október 2020

Á Garðatorgi og víðar um bæinn má nú sjá skærgræn rafhlaupahjól sem almenningur getur tekið á leigu. Í vikunni opnaði fyrsta rafhlaupahjólaleigan í Garðabæ. Með tilkomu rafhlaupahjóla- og rafhjólaleigu í Garðabæ aukast enn fremur valkostir íbúa við að velja sér umhverfisvænni samgöngumáta.  

Umhverfisstofnun undirbýr nú friðlýsingu Urriðakotshrauns í samstarfi við Garðabæ og landeigandann sem er Styrktar-og líknarsjóður Oddfellowa. Stefnt er að því að svæðið verði friðlýst sem fólkvangur, svæði til útivistar og almenningsnota þar sem jarðmyndanir, menningarminjar og gróðurfar eru verndaðar.

 Hertar sóttvarnaráðstafanir taka gildi laugardaginn 31. október. Sömu reglur munu gilda um allt land. Meginbreytingin felst í 10 manna fjöldatakmörkum í stað 20 áður. 

Að teknu tilliti til þess að enn er í gildi neyðarstig almannavarna vegna COVID-19 hvetjum við foreldra og forráðamenn að halda upp á hrekkjavökuna með börnum sínum með öðru sniði í ár. 

Fréttatilkynning frá almannavarnanefnd höfuðborgarsvæðisins um íþróttastarf barna og ungmenna næstu vikur. 

Hönnunarsafnið býður nú gestum upp á fjölbreytta viðburði og sýningar í rafheimum, þar má nefna leiðsögn um sýninguna 100% ULL og fuglasmiðju fyrir alla fjölskylduna.

Skólahald á Álftanesi á sér langa sögu en í ár eru liðin 140 ár í samfelldri skólasögu á Álftanesi. Í síðustu viku, fimmtudaginn 15. október sl., var haldið upp á það afmæli í Álftanesskóla. 

Meistaraflokkar og afreks hópar sem og afreksfólk í einstaklingsgreinum geta hafið æfingar í íþróttamannvirkjum á vegum sveitarfélaganna og félaganna.
Þetta er afmarkað með þeim skilyrðum sem reglugerð heilbrigðisráðherra frá 19. október segir til um vegna íþróttastarfsemi á höfuðborgarsvæðinu. 

Reglugerðir heilbrigðisráðherra um sóttvarnaráðstafanir tóku gildi þriðjudaginn 20. október 2020. Annars vegar er ný reglugerð um takmarkanir á samkomum vegna farsóttar og hins vegar breyting á reglugerð um takmarkanir á skólahaldi vegna farsóttar.

Öll íþróttamannvirki og sundlaugar á vegum sveitarfélaganna á höfuðborgarsvæðinu verða lokuð áfram. Söfn sem rekin eru á vegum sveitarfélaganna verða einnig lokuð.

Í vikunni var byrjað að reisa stálið í fjölnota íþróttahúsinu sem er í byggingu í Vetrarmýri. Vinna við húsið hefur gengið vel frá því að framkvæmdir hófust að nýju í sumar.