Fréttir: maí 2020

Í síðustu viku hélt Heilsuleikskólinn Holtakot sína árlegu sumarhátíð.

Um miðjan maí var opnað fyrir umsóknir um ný og fleiri sumarstörf fyrir 17-25 ára ungmenni með lögheimili í Garðabæ. Umsóknarfrestur fyrir störfin er til og með 1. júní nk. 

Á vef Garðabæjar má sjá upplýsingar um sumarnámskeið fyrir börn, t.d. sumarnámskeið skátafélaga, sumarnámskeið íþróttafélaganna Stjörnunnar og UMFÁ, söngleikjanámskeið Drauma, skapandi sumarnámskeið Klifsins, listasmiðju á Álftanesi, rafíþróttanámskeið, ævintýra- og leikjanámskeið, golfnámskeið, sumarlestur og ritsmiðjunámskeið á Bókasafni Garðabæjar, skapandi sumarnámskeið Dansskóla Birnu Björns, sumarnámskeið Alþjóðaskólans og margt fleira.

Garðabær og skátafélagið Svanir hafa gert með sér samstarfssamning um framkvæmd skátastarfs á félagssvæði Svana í Garðabæ. 

Ærslabelgurinn var settur í gang í vikunni og verður í gangi alla virka daga kl. 16-21 og frá 9-21 um helgar fram til 8. júní.

Frá og með mánudeginum 18. maí verður aftur hægt að fara í sund þegar sundlaugar landsins opna aftur eftir lokun síðustu vikna. Áfram þarf að fylgja leiðbeiningum frá almannavörnum varðandi sundlaugar. 

Framkvæmdir við endurbætur Hafnarfjarðarvegar og Vífilsstaðavegar eru að fara hefjast og standa yfir í sumar og fram til ársins 2021. 

Búið er að opna fyrir umsóknir um ný og fleiri sumarstörf fyrir 17-25 ára ungmenni með lögheimili í Garðabæ. Um er að ræða sumaratvinnuátak Garðabæjar vegna atvinnuástandsins í þjóðfélaginu í tengslum við COVID-19 faraldurinn. Hluti starfanna er einnig í tengslum við sumaratvinnuátak fyrir námsmenn á landsvísu í samvinnu við Vinnumálastofnun. 

Íbúar Garðabæjar og vinnustaðir í Garðabæ eru hvattir til að taka þátt í verkefninu ,,Hjólað í vinnuna" sem hófst 6. maí sl. og stendur til 26. maí nk.

Þessa daga má sjá Garðbæinga sem og bæjarstarfsmenn á fullu í vorverkum í bænum. Í byrjun vikunnar var byrjað að sópa allar aðalgötur og þegar vorhreinsun lóða hefst 11. maí nk. verður farið að hreinsa íbúðagötur. 

Samtök sveitarfélaga á höfuðborgarsvæðinu (SSH) hafa tekið í notkun nýja tölfræði- og kortagátt á vef samtakanna sem hefur verið kölluð Vefsjá SSH.