Fréttir: október 2019

Uppfært kl. 13.30 Flóttamannaleið eða Elliðavatnsvegur frá Vífilsstaðavatni í átt að Kópavogi hefur verið opnuð aftur eftir lokun fyrr í morgun vegna umferðaróhapps. 

Föstudaginn 25. október nk. er starfsdagur í leik- og grunnskólum Garðabæjar og eftir hádegi þann dag verður boðið upp á sérstakan menntadag fyrir kennara og starfsfólk á báðum skólastigum. Þar gefst kennurum kostur á að velja úr og hlýða á fjölbreytt erindi í málstofum í húsnæði Hofsstaðaskóla en þetta er í fjórða sinn sem sérstakur menntadagur er haldinn í Garðabæ með þessum hætti.

Elín Hansdóttir, myndlistarmaður setti nýlega upp verkefnið Book Space í Bókasafni Garðabæjar. Verkefnið hefur verið í gangi síðan árið 2006 í samstarfi við opinber bókasöfn víðsvegar í Evrópu. 

Skýrsla um úttekt á stjórnsýslu, rekstri og fjármálum Garðabæjar var lögð fram og tekin til umfjöllunar í bæjarstjórn Garðabæjar 17. október sl.

Garðabær ásamt fimm öðrum sveitarfélögum á höfuðborgarsvæðinu, Hafnarfirði, Kópavogi, Mosfellsbæ, Reykjavík og Seltjarnarnesi, hafa undirritað tímamótasamkomulag við íslenska ríkið um metnaðarfulla uppbyggingu á samgönguinnviðum og almenningssamgöngum á höfuðborgarsvæðinu til fimmtán ára. Sáttmálinn var samþykktur á fundi bæjarstjórnar í Garðabæ í gær, 17. október.

Vegna viðhalds verður lokað fyrir kalda vatnið mánudaginn 21. október nk. kl. 10-15 í eftirfarandi götum:

Vinna hófst í dag við tengingar í gangstétt við dælustöðina Kauptúni en verið er að grafa þær niður.

Garðabær og Golfklúbbur Garðabæjar og Kópavogs (GKG) skrifuðu undir samstarfssamning í lok september sl. um uppbyggingu félags- og íþróttamiðstöðvar GKG.

Skátafélagið Vífill og Garðabær skrifuðu undir samstarfssamning í lok september sl. Samningurinn kveður á um gagnkvæmar skyldur samningsaðila um útfærslur á tómstundastarfi í Garðabæ. 

Árleg forvarnavika Garðabæjar var haldin 9.-16. október og lauk í gær. Þema vikunnar í ár var heilsueflandi samvera og slagorð hennar var „Vinátta er fjársjóður - samvera og umhyggja“

Vegna viðhaldsvinnu þarf að loka fyrir kalda vatnið í öllum húsum í Melási fimmtudaginn 17. október frá kl. 13 og fram eftir degi.