Fréttir: febrúar 2018

Föstudaginn 16. febrúar funduðu bæjarfulltrúar Garðabæjar og þingmenn Suðvesturkjördæmis þar sem farið var yfir helstu mál sem eru á döfinni hjá Garðabæ. Fundurinn, sem var haldinn í íþróttamiðstöð GKG, var hluti af sk. kjördæmaviku alþingis sem stóð yfir 13.-16. febrúar sl.

Íbúar í Garðabæ geta frá og með 1. mars nk. sett allt plast saman í lokuðum plastpoka beint í gráu sorptunnuna (orkutunnuna). Plastpokarnir verða flokkaðir sérstaklega frá öðru rusli og þeim komið til endurvinnslu. Plastflokkun í plastpoka er samstarfsverkefni SORPU og fjögurra sveitarfélaga, Garðabæjar, Hafnarfjarðar, Mosfellsbæjar og Seltjarnarnesbæjar.

Garðabær, Lögreglan á höfuðborgarsvæðinu og Neyðarlínan ohf hafa undirritað samkomulag um verklag við kaup, uppsetningu og rekstur á öryggismyndavélakerfi í Garðabæ. Öryggismyndavélakerfið er eingöngu ætlað að þjóna þörfum lögreglu og annarra neyðaraðila.

Vetrarfrí stendur yfir í grunnskólum Garðabæjar dagana 19.-23. febrúar nk. Í vetrarfríinu er boðið upp á dagskrá í Bókasafni Garðabæjar við Garðatorg þar sem verða bíósýningar, föndursmiðjur og einnig er hægt að glugga í bækur, teikmyndasögur, lita myndir, leysa þrautir, krossgátur og ratleiki, spila, tefla og púsla allan daginn. Einnig verður smáhúsasmiðja í Hönnunarsafninu miðvikudaginn 21. febrúar

Íbúar í Garðabæ geta frá og með 1. mars nk. sett allt plast saman í lokuðum plastpoka beint í gráu sorptunnuna (orkutunnuna). Plastpokarnir verða flokkaðir sérstaklega frá öðru rusli og þeim komið til endurvinnslu. Plastflokkun í plastpoka er samstarfsverkefni SORPU og fjögurra sveitarfélaga, Garðabæjar, Hafnarfjarðar, Mosfellsbæjar og Seltjarnarnesbæjar.

Í framhaldi af forvarnaviku sem haldin var í leik- og grunnskólum Garðabæjar í október sl. lét mannréttinda- og forvarnanefnd Garðabæjar útbúa segla með viðmiðum um skjánotkun. Öllum börnum í leik- og grunnskólum Garðabæjar verður gefinn segull og verður hann afhentur í skólunum á næstu dögum.

Upplýsingaver Garðaskóla var opnað í desember eftir róttækar breytingar á efri hæð skólans. Framkvæmdum er ekki lokið að fullu því eftir er að innrétta verið með varanlegum húsgögnum.

Garðabær hefur staðið að röð íbúafunda undir yfirskriftinni ,,Bjóðum í samtal“ í janúar og febrúar. Fjórði og síðasti fundurinn í röðinni var haldinn miðvikudaginn 7. febrúar sl. í sal Flataskóla. Góð mæting var á alla fundina og íbúar mjög áhugasamir um að fræðast um starfssemi bæjarins og að koma málefnum og spurningum sínum að.

Garðabær tók þátt í Vetrarhátíð sem var haldin dagana 1.-4. febrúar sl. Í tilefni hátíðarinnar voru ýmsar byggingar á höfuðborgarsvæðinu lýstar upp í grænum lit norðurljósanna og í Garðabæ voru var Bessastaðakirkja lýst upp í grænum tónum og einnig efsti hlutinn á ráðhústurninum á Garðatorgi og grænir ljósastaurar lýstu leiðina inn í Hönnunarsafnið og Bókasafnið á Garðatorgi.

Með Upptaktinum, Tónsköpunarverðlaunum barna og ungmenna, gefst ungu fólki færi á að senda inn tónsmíð eða drög að tónsmíðum og vinna markvisst úr hugmyndum sínum með fulltingi listamanna.

Bein útsending af íbúafundi í Flataskóla hefst kl. 17:30 á fésbókarsíðu Garðabæjar