Fréttir: maí 2018

Forseti Íslands hjólaði með krökkum úr Garðabæ sem tekið hafa þátt í verkefninu Hjólakraftur í vetur. Hjólaferðin endaði í þetta sinn á Bessastöðum þar sem krakkarnir fengu hressingu.

Kjörsókn í Garðabæ var 67%. Tveir listar fengu menn kjörna í bæjarstjórn,  D-listi Sjálfstæðisflokks sem fékk 8 menn og G-listi Garðabæjarlistans sem fékk 3 menn.

Miðvikudaginn 23. maí sl. fór fram fuglaskoðun við Kasthúsatjörn á Álftanesi undir leiðsögn fuglafræðinganna Jóhanns Óla Hilmarssonar og dr. Ólafs Einarssonar náttúrufræðings. Fuglaskoðunin fór fram í ágætis veðri og fengu þátttakendur tækifæri til að skoða fugla á Kasthúsatjörn og nýlega endurheimtu votlendi í gegnum sjónauka með fróðleik frá fuglafræðingunum. 

Þessa dagana standa yfir útskriftir úr leikskólum Garðabæjar en alls ljúka um 160 börn leikskólanámi í vor. Útskriftardagurinn er hátíðardagur þar sem börnin mæta spariklædd og fagna tímamótum í lífinu.

Þann 12. apríl var úthlutað úr þróunarsjóði leikskóla en alls bárust 25 umsóknir og er það helmings aukning frá árinu áður. Alls voru veittir styrkir til 16 verkefna að upphæð kr. 8.000.000.

Kosið verður til sveitarstjórna laugardaginn 26. maí. Í Garðabæ er kosið í Fjölbrautaskólanum í Garðabæ og í Álftanesskóla frá kl. 9-22.

Í umræðu um tillögu að deiliskipulagi miðsvæðis á Álftanesi sem hefur verið í forkynningu hafa vaknað upp spurningar varðandi mun á tillögunni og því deiliskipulagi sem verið hefur í gildi frá árinu 2008. Eins og vitað er hafa framkvæmdir eftir því deiliskipulagi aldrei hafist. 

María Magnúsdóttir, söngkona og tónskáld, er bæjarlistamaður Garðabæjar árið 2018. Tilkynnt var um val á bæjarlistamanni Garðabæjar á menningaruppskeruhátíð Garðabæjar sem var haldin í samkomuhúsinu á Garðaholti miðvikudaginn 16. maí sl. 

Föstudaginn 18. maí verður hafist handa við að sópa götur í Garðabæ. Götusópunin kemur í kjölfar hreinsunar á garðaúrgangi sem stendur yfir.

Í febrúar síðastliðnum undirrituðu Garðabær, Lögreglan á höfuðborgarsvæðinu og Neyðarlínan ohf samkomulag um verklag við kaup, uppsetningu og rekstur á öryggismyndavélakerfi í Garðabæ. Nú eru fyrstu vélarnar komnar upp.

Vorhreinsun lóða í Garðabæ verður dagana 14.-25. maí nk. Starfsmenn bæjarins og verktakar verða á ferðinni þessa daga og hirða garðúrgang sem settur hefur verið út fyrir lóðamörk.