18 þúsund íbúar í Garðabæ
Íbúafjöldi í Garðabæ er kominn yfir 18 þúsund en skv. tölum frá Þjóðskrá voru íbúar í bænum 18 042 talsins 1. júlí sl. Mikil uppbygging hefur átt sér stað í Garðabæ á síðustu misserum og íbúum fjölgað í nýjum sem og eldri hverfum bæjarins.
Íbúafjöldi í Garðabæ er kominn yfir 18 þúsund en skv. tölum frá Þjóðskrá voru íbúar í bænum 18 042 talsins 1. júlí sl. Mikil uppbygging hefur átt sér stað í Garðabæ á síðustu misserum og íbúum fjölgað í nýjum sem og eldri hverfum bæjarins.
Frá 1. desember sl. til 1. júlí á þessu ári hefur íbúum bæjarins fjölgað um 374 eða um 2,1% sem er næst mesta fjölgun hlutfallslega á höfuðborgarsvæðinu á tímabilinu á eftir Mosfellsbæ þar sem hlutfallsleg fjölgun var 2,4%.
Tölulegar upplýsingar um íbúafjölgun á höfuðborgarsvæðinu og landinu öllu má sjá í frétt hér á vef Þjóðskrár en þar kemur fram að íbúum fjölgaði í öllum landshlutum.