31 iðkandi Stjörnunnar í landsliðum Íslands á EM í hópfimleikum
Evrópumótið í hópfimleikum var haldið um helgina þar sem íslensku liðin stóðu sig afar vel. Alls var 31 iðkandi Stjörnunnar í landsliðum Íslands.
-
Kvennalið Íslands
Evrópumótið í hópfimleikum var haldið um helgina þar sem íslensku liðin stóðu sig afar vel. Ísland átti tvö lið í fullorðinsflokki, kvennalið og blandað lið fullorðinna og tvö í unglingaflokki, stúlknalið og blandað lið unglinga. Alls var 31 iðkandi Stjörnunnar í landsliðum Íslands, m.a. Andrea Sif Pétursdóttir, íþróttamaður Garðabæjar 2017.
Þrjú íslensku liðanna náðu í verðlaun. Kvennalandsliðið var í öðru sæti þriðja mótið í röð og var hársbreidd á eftir sænska landsliðinu sem vann sinn þriðja Evrópumeistaratitil í röð. Blönduð sveit fullorðinna hreppti þriðja sætið eins og stúlknalandsliðið. Blandað landslið unglinga varð svo í fjórða sæti.
Við óskum þessu flotta fimleikafólki til hamingju með árangurinn.
