Áður en hafist er handa
Ert þú í framkvæmdahugleiðingum? Við minnum á leiðbeiningar bæjarins um veggi, girðingar og smáhýsi.
Nú fer senn að vora og vill umhverfissvið Garðabæjar hvetja íbúa í framkvæmdarhug að kynna sér þær reglur sem gilda í þeirra hverfi um veggi, girðingar og smáhýsi áður en hafist er handa.
Veggir og girðingar á lóðum eru m.a. nýttir til skjóls- og rýmismyndunar og hafa mikil sjónræn áhrif á götumynd bæjarins. Ef veggir og girðingar á lóðum eru of háir geta þeir dregið úr öryggi, varpað skugga og skapað fráhrindandi umhverfi.
Veggir, girðingar og gróður á lóðamörkum að götu mega ekki hindra sjónlínur vegfarenda og ekki hindra sýn á gatnamótum með tilliti til umferðaröryggis.
Garðabær hefur gæði og fegurð bæjarmyndarinnar að leiðarljósi. Á heimasíðu Garðabæjar má nálgast allar helstu upplýsingar og einnig samþykkt Garðabæjar um veggi og girðingar.
Öll gildandi deiliskipulög eru aðgengileg á kortavef Garðabæjar.
Ef spurningar vakna er starfsfólk umhverssviðs alltaf til þjónustu reiðubúið. Einnig má hafa samband í tölvupósti, skipulag@gardabaer.is.
- Hér finnur þú allar upplýsingarnar: Samþykkt um veggi og girðingar - Almennar leiðbeiningar til íbúa