Boðið upp á Jazzhrekk fyrir grunnskólanemendur
Það ríkti sannkölluð gleði föstudaginn 22. janúar þegar fyrstu skólahóparnir í langan tíma komu í sal Tónlistarskóla Garðabæjar við Kirkjulund til að njóta fyrsta flokks jazztónlistar í skemmtilegri framsetningu.
-
Jazzhrekkur - tónleikar fyrir grunnskólanemendur í sal Tónlistarskóla Garðabæjar
Það ríkti sannkölluð gleði föstudaginn 22. janúar þegar fyrstu skólahóparnir í langan tíma komu í sal Tónlistarskóla Garðabæjar við Kirkjulund til að njóta fyrsta flokks jazztónlistar í skemmtilegri framsetningu.
Draugar og forynjur, köngulær og nornir flugu um sviðið en Ingibjörg Fríða Helgadóttir söngkona, Sunna Gunnlaugs píanóleikari og Leifur Gunnarsson bassaleikari fluttu hágæða dagskrá fyrir 1.-4. bekkinga í Garðabæ. Jazzhrekkur er yfirskrift tónleikanna en alls er boðið upp á níu tónleika fyrir grunnskólanemendur í salnum og þeim lýkur dagana 25. og 27. janúar nk. Tónleikarnir eru hluti af menningardagskrá sem hefur verið skipulögð fyrir leik- og grunnskólabörn í Garðabæ.