Börnin hreinsuðu leikskólann sinn
Börn og kennarar í leikskólanum Bæjarbóli létu sitt ekki eftir liggja þegar kom að þátttöku í hreinsunarátaki Garðabæjar.
-
Hreinsunardagur á Bæjarbóli
Börn og kennarar í leikskólanum Bæjarbóli létu sitt ekki eftir liggja þegar kom að þátttöku í hreinsunarátaki Garðabæjar. Þar tóku allir þátt og voru börn frá öllum deildum með að hreinsa til í nánasta umhverfi leikskólans.
Sumir tóku með sér fötur til að setja ruslið í til að spara plastpoka en svo fengu allir sér hressingu eftir vinnuna. Nágrannar, íbúasamtök, félagasamtök, íþróttafélög og skólar eru hvattir til að taka þátt í hreinsunarátakinu sem lýkur nú á miðvikudaginn 7. maí nk.