Byggingarréttur í Vetrarmýri - Opnun tilboða
Fyrirtækjaráðgjöf Íslandsbanka, fyrir hönd Garðabæjar, auglýsti í byrjun nóvember til sölu byggingarrétt fyrir fjölbýlis- og atvinnuhúsnæði á fimm aðskildum byggingarreitum við Vetrarmýri í Garðabæ.
Fyrirtækjaráðgjöf Íslandsbanka, fyrir hönd Garðabæjar, auglýsti í byrjun nóvember til sölu byggingarrétt fyrir fjölbýlis- og atvinnuhúsnæði á fimm aðskildum byggingarreitum við Vetrarmýri í Garðabæ. Óskað var eftir tilboðum fyrir 30. nóvember sl. og tilboð voru opnuð þann sama dag á skrifstofu Íslandsbanka, að viðstöddum þeim bjóðendum sem þess óskuðu. Tilboðin voru kynnt fyrir bæjarráði sl. þriðjudag og var bæjarstjóra ásamt fyrirtækjaráðgjöf Íslandsbanka falið að vinna málið áfram.
Vetrarmýri er 20 hektara byggingarland, að fullu í eigu Garðabæjar, sem markast af Hnoðraholti til norðurs, Reykjanesbraut til vesturs, Vífilsstaðavegi til suðurs og golfvelli GKG til austurs.
Áætluð heildarstærð byggðar í Vetrarmýri er um 66.000 fermetrar af fjölbýli og 36.000 fermetrar af atvinnuhúsnæði með 664 íbúðum að hámarki. Í þessum fyrsta áfanga voru boðnir út u.þ.b. 26.000 fermetrar af fjölbýli og 26.000 fermetrar af atvinnuhúsnæði á fimm aðskildum reitum auk möguleika fyrir bjóðendur í atvinnuhúsnæði að bjóða í bílastæðahús við Reykjanesbraut. Reiknað með að gatnaframkvæmdir í þessum áfanga hefjist á árinu 2022 og lóðir verða afhentar haustið 2022.
Vetrarmýri er eitt af þremur fyrirhuguðum uppbyggingarsvæðum á Vífilsstaðalandi. Við gerð deiliskipulagsins var horft til góðra tenginga við stofnbrautina Reykjanesbraut, almenningssamgangna og göngu- og hjólastíga og nálægðar við útivistarperlur. Auk þess er aðgengi að nálægri samfélagsþjónustu eins og skólum, leikskólum og íþróttamannvirkjum o.fl. mjög gott.
Tilboð frá eftirfarandi aðilum voru opnuð:
Nafn og kennitala | Reitur 1 | Reitur 2 | Reitur 3 | Reitur 4 | Reitur 5 | BH 5b | BH 7b Allt |
Þarfaþing hf. | 432.000.000 | ||||||
Arnarhvoll | 757.440.000 | 957.320.000 | 3.281.897.000 | ||||
Klapparholt ehf. | 594.072.000 | ||||||
Vetrarfell | 831.600.000 | 619.000.000 | 452.600.000 | 301.600.000 | 564.800.000 | ||
Úlfarsás ehf. | 585.387.000 | 737.343.000 | 120.000.000 | ||||
S8 ehf. | 589.000.500 | 741.894.500 | |||||
Byggingarfél. Gunnar og G | 758.835.000 | 837.476.000 | |||||
Flotgólf ehf. | 798.460.000 | 1.003.000.000 | 412.000.000 | 306.000.000 | 515.000.000 | 85.000.000 | 105.000.000 |
Litluvellir ehf. | 693.792.000 | 830.193.600 | |||||
Fasti eignarhaldsf. | 766.060.000 | 964.900.000 | |||||
GG verk | 708.500.000 | ||||||
Dverghamrar ehf. | 360.000.000 | 455.000.000 | |||||
ÞG verktakar | 825.000.000 | 1.095.000.000 | 330.000.000 | 385.000.000 |