Félagslegum íbúðum hefur ekki fækkað í Garðabæ
Vegna fréttaskýringar í Kjarnanum um félagslegar íbúðir: Félagslegar íbúðir í Garðabæ eru alls 29 og fjölgaði þeim um eina milli áranna 2017 og 2018.
-
Séð yfir Garðabæ
Vegna fréttaskýringar í Kjarnanum um félagslegar íbúðir:
Félagslegar íbúðir í Garðabæ eru alls 29 og fjölgaði þeim um eina milli áranna 2017 og 2018. Í fréttaskýringu Kjarnans í dag, 7. nóvember er röng fullyrðing um að félagslegum íbúðum bæjarins hafi fækkað um sex á milli ára.
Almennum leiguíbúðum í Garðabæ hefur hins vegar fækkað á milli ára þar sem Garðabær keypti til niðurrifs þrjú hús að Lækjarfiti þar sem sjö almennar leiguíbúðir voru. Þær íbúðir eru því ekki lengur meðtaldar.
Þá má einnig nefna í þessu samhengi að búsetukjarni með sex íbúðum fyrir fatlað fólk er í byggingu við Unnargrund í Garðabæ. Áætlað er að flutt verði inn í þær íbúðir árið 2019.