Göngu- og hjólateljarar í Garðabæ
Í sumar var settur upp nýr gönguteljari sem mælir fjölda ferða hjólandi og gangandi á stíg sem liggur að Búrfellsgjá með því markmiði að fylgjast með umferð vegfaranda. Teljarinn gefur skýra mynd af fjölda fólks á tilteknu svæði og nýtist því t.d. vel á nýjum bílastæðum sem eru komin í gagnið í Heiðmörk við Búrfellsgjá/Selgjá.
-
Gönguteljari á stíg sem liggur að Búrfellsgjá
Í sumar var settur upp nýr gönguteljari sem mælir fjölda ferða hjólandi og gangandi á stíg sem liggur að Búrfellsgjá með því markmiði að fylgjast með umferð vegfaranda. Teljarinn gefur skýra mynd af fjölda fólks á tilteknu svæði og nýtist því t.d. vel á nýjum bílastæðum sem eru komin í gagnið í Heiðmörk við Búrfellsgjá/Selgjá.
Einnig hefur verið settur upp nýr hjólateljari við Arnarnesstíginn, við endann á Hegranesi.
Umhverfisnefnd Garðabæjar hefur samþykkt að setja upp enn fleiri teljara á næsta ári. Stefnt er að þvi að setja upp göngu- og hjólateljara við stíginn við Reykjanesbraut og gönguteljara við Vífilsstaðavatn.
Munurinn á annars vegar gönguteljara og hins vegar göngu- og hjólateljara er sá að gönguteljarinn nemur þá sem framhjá fara án þess að gera greinarmun á gangandi og hjólandi á meðan göngu- og hjólateljari gerir greinamun og getur einnig hraðamælt.
Hægt er að fylgjast með tölum úr nýju teljurunum á kortavef Garðabæjar.