Gönguleiðir í Garðabæ eru í Wapp-inu
Frá árinu 2016 hafa Garðabær og Wapp (Walking app) verið í samstarfi um birtingu gönguleiða eða svokallaðra söguleiða auk hreyfileiða, þ.e. hjóla- og hlaupaleiða, í Garðabæ í leiðsagnarappinu Wappinu.
-
Gönguleiðir í Garðabæ í Wappinu
Frá árinu 2016 hafa Garðabær og Wapp (Walking app) verið í samstarfi um birtingu gönguleiða eða svokallaðra söguleiða auk hreyfileiða, þ.e. hjóla- og hlaupaleiða, í Garðabæ í leiðsagnarappinu Wappinu. Leiðirnar í Garðabæ eru notendum smáforritsins Wapp að kostnaðarlausu í boði Garðabæjar.
Eftirfarandi söguleiðir/gönguleiðir í Garðabæ má finna í wappinu:
- Vífilsstaðavatn og Gunnhildur
- Fógetastígur í Gálgahrauni
- Búrfellsgjá
- Bessastaðanes
- Hraunstígur Garðabæ
Söguleiðir eru leiðir með leiðsögn þar sem upplýsingapunktar á réttum stöðum veita upplýsingar í texta og mynd. Upplýsingarnar snerta það sem ástæða þykir til að segja frá í náttúru og umhverfi, úr þjóðsögum eða af lífi fólks á svæðinu fyrr og nú.
Einnig eru í wappinu fjórar hlaupaleiðir í Garðabæ, þar af tvær á Álftanesi sem eru frá fimm og upp í 10 kílómetra langar og tvær hjólaleiðir 15 og 16 km langar, sú lengri á Álftanesi.
Hreyfileiðirnar innihalda minniháttar upplýsingar um umhverfi en þó er fjallað um svæðið í inngangi og þess getið hvort eitthvað sérstakt þurfi að hafa í huga á leiðinni, t.d geta aðstæður verið mismunandi eftir árstíðum. Hreyfileiðarnar hefjast allar við íþróttamiðstöðvarnar á Álftanesi og í Ásgarði.
Um Wappið
Wappið er stafrænn gagnagrunnur leiðarlýsinga á Íslandi sem er miðlað í gegnum app fyrir Iphone og Android snjallsíma. Leiðarlýsingarnar eru um allt land, með GPS ferlum og ljósmyndum og er miðlað á ensku og íslensku til notenda. Leiðarlýsingum er hlaðið á símann og þær notaðar án þess að vera í gagnasambandi. Stokkur ehf. forritar Wappið og Samsýn ehf. sér um kortagrunninn fyrir Ísland.
Á forsíðu, http://www.wapp.is/ eru hlekkir beint á App Store og Play Store til að sækja Wappið.
Leiðirnar í boði Garðabæjar
Athugið allar leiðirnar í Garðabæ eru í boði Garðabæjar. Smellt er á "kort" þegar leiðin hefur verið opnuð og á "já" við spurningunni "Viltu kaupa þessa ferð?" Leiðin kemur þá upp endurgjaldslaust.
Leiðirnar eru með kortum, gps hnitum, ljósmyndum og upplýsingum á íslensku og ensku og eru notendum að kostnaðarlausu í boði Garðabæjar.
Vonast er til að þetta samstarf auðveldi íbúum Garðabæjar sem og öðrum að nálgast upplýsingar um áhugaverðar gönguleiðir, sögulegan fróðleik um menningarminjar og útivistarmöguleika í landi Garðabæjar og hvetji til aukinnar hreyfingar og útiveru.