Götusópun hafin
Götusópun á aðalgötum Garðabæjar er hafin og verða þær sópaðar fram í maí. Sópun hefst í íbúðagötum samhliða vorhreinsun lóða.
-
Göturnar sem verða sópaðar í fyrstu umferð í apríl. ATH fleiri myndir eru neðar í fréttinni.
Götusópun á aðalgötum Garðabæjar er hafin og stendur fram í maí.
Eins og síðustu ár eru Garðbæingar hvattir til að hreinsa lóðir sínar í sameiginlegu átaki dagana 10-21 maí og samhliða því hefst götusópun í íbúðahverfum.
Starfsmenn bæjarins og verktakar verða á ferðinni þessa daga og hirða garðúrgang sem settur hefur verið út fyrir lóðamörk. Farið verður á milli allra hverfa bæjarins og þegar búið er að hreinsa garðaúrgang sem settur hefur verið út fyrir lóðir kemur bíll sem sópar göturnar.
Meðfylgjandi myndir sýna hvaða götur verða sópaðar í fyrstu umferð en frekari upplýsingar um vorhreinsunina má finna hér.
