Hundabann við Vífilsstaðavatn og Urriðavatn
Hundum er bannaður aðgangur í friðlandi Vífilsstaðavatns og við Urriðavatn yfir varptímann tímabilið 15. apríl til 1. júlí.
-
Hundabann er í friðlandi Vífilsstaðavatns og við Urriðavatn yfir varptímann tímabilið 15. apríl til 1. júlí.
Hundum er bannaður aðgangur í friðlandi Vífilsstaðavatns og við Urriðavatn yfir varptímann tímabilið 15. apríl til 1. júlí. Hundaeigendur, veiðimenn og útivistarfólk er vinsamlegast beðið um að vernda fuglalífið í friðlandi Vífilsstaðavatns og virða friðhelgi fugla um varptímann, ganga vel og snyrtilega um svæðið og virða umgengnisreglur sem víða má sjá á skiltum í friðlandinu.
Óheimilt er að veiða á merktu svæði norðanmegin í vatninu vegna verndunar varpsvæða flórgoðans og öll umferð báta og kajaka er bönnuð á vatninu.
Á meðan hundabann er í gildi við vötnin er hundaeigendum bent á að þeir geta farið með hunda sína í göngu t.d. við skógræktarsvæðið í Smalaholti og Sandahlíð. Hundar eiga ávallt að vera í bandi og taka þarf tillit til annars útivistarfólks og dýralífs á svæðunum.
Að gefnu tilefni má minna á sérstakt lausagöngu- og útivistarsvæði fyrir hunda á Bala í Garðahverfi. Hundaeigendur eru minntir á að hirða upp eftir hunda sína og skila úrganginum í næstu ruslatunnu.
Nánari upplýsingar um gönguleiðir má m.a. finna hér.
Staðsetningin á Bala sem er sérstakt lausagöngu- og útivistarsvæði fyrir hunda.