Jazzþorpið: Garðabær iðaði af lífi og menningu
Gestir á öllum aldri og hvaðanæva af á höfuðborgarsvæðinu nutu þess sem í boði var í þorpinu.
-
Frábært Jazzþorp. Myndirnar tók Hans Vera
Marglitar pappírskúlur í hundraða tali, gömul húsgögn og forvitnilegir smáhlutir, góður matur og drykkir að ógleymdri fjölbreyttri jazztónlist í flutningi stórkostlegra listamanna einkenndi Jazzþorpið í Garðabæ sem haldið var í annað sinn um síðustu helgi.
Alls 9 tónleikar fóru fram auk fræðsluerinda um fræga jazzara. Þá fór fram spurningakeppni þar sem lið skipuð þekktum tónlistarmönnum kepptu á léttum nótum en ljóst var að gestir þorpsins dvöldu margir lengi á staðnum, borðuðu, hittu vini og fjölskyldu og nutu samveru í notalegum stofum.
Öll húsgögn þorpsins voru til sölu og hagnaður sölunnar rennur til góðgerðamála enda á vegum Góða hirðisins sem er samstarfsaðili Jazzþorpsins.
Myndirnar tala sínu máli en nú hefur Garðatorg tekið á sig hefðbundna mynd.