,,Komdu í göngu í Garðabæ"
Þótt veðrið í sumar hafi ekki verið með allra besta móti þá er samt alltaf gott gönguveður. Í Garðabæ eru margar skemmtilegar gönguleiðir bæði í þéttbýli sem og utan.
-
Búrfell og umhverfi friðlýst
Þótt veðrið í sumar hafi ekki verið með allra besta móti þá er samt alltaf gott gönguveður. Í Garðabæ eru margar skemmtilegar gönguleiðir bæði í þéttbýli sem og utan.
Garðabær fékk nýlega skemmtilega vísu senda frá góðum gesti sem hefur heimsótt bæinn og oft gengið um stíga Garðabæjar.
,,Komdu í göngu í Garðabæ,
glöð við tökum móti
fólki með svo ferskum blæ
að ferðar hingað njóti."
Höf: Philip Vogler, Egilsstöðum
Hér á vef Garðabæjar er búið að taka saman nokkrar hugmyndir um áhugaverðar gönguleiðir.
Wapp – gönguleiðsagnarapp í símann
Undanfarin ár hafa Garðabær og Wapp (Walking app) verið í samstarfi um birtingu gönguleiða eða svokallaðra söguleiða auk hreyfileiða, þ.e. hjóla- og hlaupaleiða, í Garðabæ í leiðsagnarappinu Wappinu.
Í Wapp-inu má finna bæði sk. söguleiðir sem eru leiðir með leiðsögn þar sem upplýsingapunktar á réttum stöðum veita upplýsingar í texta og mynd. Upplýsingarnar snerta það sem ástæða þykir til að segja frá í náttúru og umhverfi, úr þjóðsögum eða af lífi fólks á svæðinu fyrr og nú.
Meðal gönguleiða í Wapp-inu í Garðabæ eru:
- Vífilsstaðavatn og Gunnhildur
- Fógetastígur í Gálgahrauni
- Búrfellsgjá
- Bessastaðanes
- Hraunstígur Garðabæ
Einnig eru í wappinu fjórar hlaupaleiðir í Garðabæ, þar af tvær á Álftanesi sem eru frá fimm og upp í 10 kílómetra langar og tvær hjólaleiðir 15 og 16 km langar, sú lengri á Álftanesi.
Wappið er stafrænn gagnagrunnur leiðarlýsinga á Íslandi sem er miðlað í gegnum app fyrir Iphone og Android snjallsíma. Á forsíðu, http://www.wapp.is/ eru hlekkir beint á App Store og Play Store til að sækja Wappið. Athugið allar leiðirnar í Garðabæ eru í boði Garðabæjar. Smellt er á "kort" þegar leiðin hefur verið opnuð og á "já" við spurningunni "Viltu kaupa þessa ferð?" Leiðin kemur þá upp endurgjaldslaust.
