Lokahátíð skapandi sumarstarfs
Lokahátíð skapandi sumarstarfs í Garðabæ var haldin fimmtudaginn 25. júlí sl. á Garðatorgi.
-
Lokahátíð skapandi sumarstarfa
Lokahátíð skapandi sumarstarfs í Garðabæ var haldin fimmtudaginn 25. júlí sl. á Garðatorgi. Á lokahátíðinni mátti sjá fjölbreytt og frumleg verk eftir þau 11 ungmenni sem tóku þátt í skapandi sumarstörfum. Þar voru til sýnis teikningar, myndbönd, gjörningar og ritlistaverk og einnig var flutt tónlist.
Í skapandi sumarstörfum hefur þátttakendum gefist tækifæri til að vinna að eigin skapandi verkefnum yfir sumartímann. Einnig unnu þau ýmis verkefni saman og tóku þátt í Jónsmessugleði Grósku fyrr í sumar. Auk lokahátíðar í síðustu viku hafa ungmennin verið með ýmsa viðburði fyrir bæjarbúa á síðustu vikum, s.s. sumartónleika, vídeóverk, sýningar á myndlist o.fl.
Sjá má fleiri myndir frá lokahátíðinni á fésbókarsíðu skapandi sumarstarfs í Garðabæ.
