Menningardagskrá í tali og tónum
Þorravaka Kvennakórs Garðabæjar var haldin fimmtudaginn 13. febrúar sl. í Kirkjuhvoli, safnaðarheimili Vídalínskirkju.
-
Þorravaka Kvennakórs Garðabæjar 13. febrúar 2020
Þorravaka Kvennakórs Garðabæjar var haldin fimmtudaginn 13. febrúar sl. í Kirkjuhvoli, safnaðarheimili Vídalínskirkju. Á Þorravöku kórsins er boðið upp á sannkallaða menningardagskrá í tali og tónum en þetta er nítjánda árið sem Kvennakór Garðabæjar og menningar- og safnanefnd Garðabæjar standa fyrir dagskrá sem þessari.
Sú hefð hefur skapast að bæjarlistamaður Garðabæjar kynnir sig og verk sín í dagskránni og í ár var það núverandi bæjarlistamaður, Bjarni M. Bjarnason rithöfundur, sem flutti áhugavert erindi. Ræðumaður kvöldsins var Guðrún Högnadóttir, framkvæmdastjóri FranklinCovey á Íslandi.
Að venju voru einnig flott atriði frá nemendum úr Tónlistarskóla Garðabæjar og síðast en ekki síst steig Kvennakór Garðabæjar á svið og flutti fjölbreytt og skemmtilegt lagaval. Í ár eru liðinn 20 ár frá stofnun Kvennakórs Garðabæjar og kórinn hyggst fagna afmælinu með ýmsum hætti frá og með næsta hausti.
