Mennta- og fræðsludagar
Nú í vikunni fóru fram mennta- og fræðsludagar fyrir grunnskólakennara í Garðabæ.
-
Mennta- og fræðsludagar -
Mennta- og fræðsludagar
Nú í vikunni fóru fram mennta- og fræðsludagar fyrir grunnskólakennara í Garðabæ.
Þriðjudaginn 14. ágúst var haldinn menntadagur í tölvu- og upplýsingatækni í Garðaskóla en dagskráin samanstóð af tveimur sameiginlegum erindum ásamt því sem kennurum stóð baust að velja úr fjölbreyttum vinnustofum á sviði upplýsingatækni.
Vinnustofurnar voru vel sóttar og þóttu vel heppnaðar.
Í gær, miðvikudag hélt Seamus Gibbons, skólastjóri Langford Primary í London, fyrirlestur í tengslum við innleiðingu leiðsagnarmats. Hann leggur áherslu á leiðbeinandi kennsluhætti, þar sem nemendur eru meðvitaðir um nám sitt og kennarar eru virkir í að skoða það hvernig nemendur læra best og fylgjast nákvæmlega með námsframvindu nemenda.
Fyrirlesturinn markaði upphafið að nýju þróunarverkefni hjá grunnskólum Garðabæjar um leiðbeinandi kennsluhætti sem er framhald á þróunarverkefni sem unnið var síðasta vetur um leiðsagnarmat.
Ætlunin með mennta- og fræðsludögunum var m.a. að veita kennurum og skólafólki innblástur fyrir nýtt skólaár og segja skipuleggjendur að það hafi svo sannarlega tekist.
