Kennslurými Garðaskóla stækkað
Í sumar er unnið að framkvæmdum og breytingum innanhúss í Garðaskóla sem miða að því að bæta við kennslurými skólans.
Í sumar er unnið að framkvæmdum og breytingum innanhúss í Garðaskóla sem miða að því að bæta við kennslurými skólans. Rýminu sem nýtt hefur verið fyrir bókasafn Garðaskóla verður breytt í kennslustofur og aðstöðu námsráðgjafa og hjúkrunarfræðings.
Framkvæmdin í sumar hefur það í för með sér að bókasafn Garðaskóla verður í bráðabirgðarými á næsta skólaári en flytur síðan í nýtt upplýsingaver sem verið er að hanna í skólanum.
Samhliða þessum breytingum verða lausar kennslustofur á lóð Garðaskóla nýttar fyrir starfsemi tómstundaheimilis Flataskóla næsta skólaár.
Breytingarnar eru til komnar vegna fjölgunar nemenda í bæði Flata- og Garðaskóla.