Skólastefna 2010-2013
Skólastefna Garðabæjar fyrir árið 2010-2013 var nýlega samþykkt af bæjarstjórn. Skólastefnan nær til leikskóla, grunnskóla og tónlistarskóla. Þetta er í þriðja sinn sem heildstæð skólastefna er unnin í bænum.
Metnaður, virðing, sköpun og gleði.
Leiðarljósin eiga við um öll skólastigin og allt starf í skólunum.
Einnig voru ákveðnir hornsteinar stefnunnar sem eru:
Nám og kennsla
Umhverfi og skipulag
Hollusta og hreyfing
Lýðræði og virðing
Tónlist og menning
Stýrihópurinn sem vann að endurskoðun fyrri stefnu lagði áherslu á að fá fram skoðanir og áherslur sem flestra sem lifa og starfa í skólasamfélaginu. Í því skyni leitaði hann eftir áliti og tillögum frá nemendum, foreldrum og starfsfólki skóla. Einnig var haldið opið skólaþing þar sem unnið var í hópum að áherslum fyrir hvert skólastig. Áður en stefnan var samþykkt gafst Garðbæingum einnig kostur á að senda inn ábendingar við drög hennar á vef Garðabæjar.
Skólastefnan er aðgengileg hér á vefnum.