Vorsýning í Jónshúsi
Vorsýning félagsstarfs eldri borgara var opnuð í Jónshúsi 6. maí sl. Á sýningunni er sýndur afrakstur vetrarins í félagsstarfinu og eru sýningarmunir afar fjölbreyttir. Vorsýningin stendur yfir dagana 6-8. maí.
Meðal þess sem er að sjá á sýningunni eru málverk, bútasaumur og önnur handavinna, bókband, glerlist, trésmíðamunir, útskurður og ullarþæfing.
Laugardaginn 8. maí verður opið hús í Jónshúsi frá kl. 12-16 og þá verður m.a. sýndur línudans kl. 14 þann dag. Sýningin er öllum opin og aðgangur er ókeypis.
Miðstöð félagsstarfsins er í Jónshúsi við Strikið 6 í Sjálandshverfinu í Garðabæ og eru allir áhugasamir velkomnir þangað, hvort sem er til að taka þátt í skipulögðu starfi eða njóta kaffiveitinga i góðum félagsskap.
Sjá nánari upplýsingar um félagsstarfið hér á heimasíðunni.