Metfjöldi hugmynda í Nýsköpunarkeppni
Nemendur í Hofsstaðaskóla stóðu sig vel í Nýsköpunarkeppni grunnskólanna í ár eins og jafnan áður. Alls sendu nemendur skólans skólans inn 842 hugmyndir sem jafngildir því að hver nemandi hafi sent inn fjórar hugmyndir sem er met á landsvísu. Sex nemendur skólans komust í úrslit og fengu þeir allir verðlaun.
Nýsköpunarkeppni grunnskólabarna er hugmyndasamkeppni fyrir nemendur í 5. 6. og 7. bekk í grunnskóla. Keppnin var nú haldin í 24. sinn. Í ár bárust rúmlega 1700 hugmyndir í keppnina og valdi dómnefnd hugmyndir 40 nemenda til þátttöku í úrslitum, þar af sex úr Hofsstaðaskóla.
Nemendurnir úr Hofsstaðaskóla sem komust í úrslit eru:
- Hekla Ylfa Einarsdóttir - fékk 1. verðlaun í 5. bekk fyrir hugmyndina baðkarspíparinn. Hekla fékk fartölvu í verðlaun ásamt gjafabréfi í Fab Lab.
- Sonja Ingimundardóttir - fékk 2. verðlaun í 6. bekk fyrir ofnæmisskynjara. Verðlaunin voru spjaldtölva.
- Ásdís Ólafsdóttir - fékk 3. verðlaun í 5. bekk fyrir morgunverðarskál með halla. Ásdís fékk snjallsíma í verðlaun.
- Agnes Ómarsdóttir - fékk viðurkenningarskjal fyrir að komast í úrslit og gjafabréf í Háskóla unga fólksins, fyrir hitamottu.
- Hera Björk Arnardóttir og Lára Guðný Þorsteinsdóttir - fengu viðurkenningarskjal fyrir að komast í úrslit og gjafabréf í Fab Lab fyrir klósettopnara.
Keppninni lauk formlega með hófi sem fram fór í Háskólanum í Reykjavík.
Nemendum Hofsstaðaskóla og kennara þeirra Sædís S. Arndal er óskað til hamingju með þennan frábæra árangur.
Sjá frétt á vef Hofsstaðaskóla og vef Nýsköpunarkeppninnar, nkg.is
Myndir frá lokahófi keppninnar og vinnusmíðju fyrir keppnina eru á myndasíðu Hofsstaðaskóla.