Götusópun hefst á mánudag
Byrjað verður að sópa götur bæjarins næsta mánudag, 23. maí og er stefnt að því að búið verði að sópa allar götur fyrir 17. júní. Bænum verður skipt í þrjú svæði, þau sömu og við hreinsun á garðúrgangi eftir vorhreinsun lóða, sem nú stendur yfir.
Sópunin hefst á Arnarnesi á mánudaginn, þaðan verður farið í Akra og síðan í Flatir. Önnur hverfi koma þar á eftir.
Bílar hindri ekki hreinsun
Til að verkið gangi vel fyrir sig þarf gott samstarf við íbúa. Settar verða upp merkingar í götum áður en þær verða sópaðar. Íbúar eru beðnir um að vera vakandi fyrir merkingunum og gæta að því að leggja bílum sínum ekki á götum og gangstéttum meðan á sópun stendur.
Gera má ráð fyrir að það taki 4-5 daga að klára hvert svæði.
Svæðin eru þannig:
Svæði 1
Arnarnes - Akrar- Flatir - Ásgarður - Fitjar - Hólar - Ásar - Grundir - Sjáland - Vífilsstaðir - Urriðaholt
Svæði 2
Tún - Mýrar - Garðatorg - Móar - Byggðir - Lundir - Búðir - Bæjargil - Hæðahverfi - Hnoðraholt
Svæði 3
Álftanes - Garðahverfi - Hleinar - Prýði og v/Álftanesveg