Hreinsum bæinn okkar - tökum höndum saman
Árlegt hreinsunarátak í Garðabæ verður dagana 16.-30. apríl. Þá geta hópar tekið sig saman um að hreinsa svæði í bæjarlandinu og fengið fjárstyrk að launum t.d. til að verðlauna sig með grillveislu að loknu góðu verki.
Nágrannar, íbúasamtök, félagasamtök, íþróttafélög og skólar eru hvattir til að taka þátt í hreinsunarátakinu með það að markmiði að Garðabær verði einn snyrtilegasti bær landsins.
Þau félög/hópar sem vilja taka þátt, með því að taka að sér hreinsunarverk í nærumhverfi sínu, hafi samband við umhverfisstjóra Garðabæjar í síma 525 8500 eða í netfangið: erlabil@gardabaer.is
Starfsmenn bæjarins munu hirða upp alla poka og annað eftir ruslatínslu bæjarbúa, hópa eða einstaklinga.
Bæklingur um hreinsunarátak 2016 og vorhreinsun lóða sem verður 17.-27. maí