Teiknimyndasögusamkeppni - Garðabær eftir 40 ár
Bókasafn Garðabæjar efnir til teiknimyndasögusamkeppni í tengslum við Listadaga barna og ungmenna sem verða haldnir í apríl á afmælisári Garðabæjar. Þema teiknimyndasögusamkeppninnar er Garðabær eftir 40 ár.
14 ára og eldri geta tekið þátt
Keppt verður í tveimur flokkum, annars vegar almennum flokki 16 ára og eldri og hins vegar í flokki nemenda í 8.-10. bekk í grunnskólum í Garðabæ. Þátttakendur í almennum flokki þurfa að vera með lögheimili í Garðabæ en auk þess geta nemendur í Fjölbrautaskóla Garðabæjar tekið þátt í þeim flokki. Engin takmörk eru á fjölda höfunda á bakvið hverja teiknimyndasögu.
Skilafrestur til og með 7. apríl
Skilafrestur er til og með 7. apríl í afgreiðslu Bókasafns Garðabæjar á Garðatorgi. Veitt verða verðlaun, peningaverðlaun og skissubækur, fyrir efstu þrjú sætin í hverjum flokki. Einnig verður sett upp sýning á teiknimyndasögum í bókasafninu á Listadögum barna og ungmenna í lok apríl.
Nánari upplýsingar má sjá hér í meðfylgjandi auglýsingu og í frétt hér á vefsíðu Bókasafnsins.
Hvetjum alla áhugasama til að taka þátt!