Fjölbreytt æskulýðs- og íþróttastarf
Í Garðabæ er boðið upp á fjölbreytt æskulýðs- og íþróttastarf fyrir börn og ungmenni. Hér á vef Garðabæjar er hægt að sjá lista yfir félög og aðra sem eru með æskulýðs og íþróttastarf í Garðabæ. Þar er stutt lýsing um hvert félag og það starf sem er í boði og tenging yfir á vefsíður félaganna. Fjölmörg félög eru þessa dagana að taka við skráningum í námskeið á vorönn.
Hvatapeningar 2016
Garðabær veitir öllum börnum 5-18 ára hvatapeninga árlega til að greiða niður æskulýðs- og íþróttastarf. Hvatapeninga er hægt að nota vegna starfs sem tekur að lágmarki 10 vikur. Hvatapeningar ársins 2016 eru 30.000 krónur á barn. Hér er hægt að sjá nánari upplýsingar um hvatapeninga og reglur um úthlutun þeirra.
Frístundabíll
Frístundabíllinn hefur það hlutverk að keyra börn frá tómstundaheimilum grunnskóla í íþrótta- og tómstundastarf. Frístundabíllinn ekur á starfstíma skólanna alla virka daga kl. 14.15-17:30 á vorönn frá 5. janúar til og með 8. júní með hléi í páskafríinu, alls 103 daga á vorönn. Hér má sjá nánari upplýsingar um leiðakerfi, skráningu og kostnað í frístundabílinn.