Opinn fundur með lögreglunni
Opinn fundur með Lögreglunni á höfuðborgarsvæðinu og íbúum í Garðabæ verður haldinn þriðjudaginn 13. október kl. 16:30 – 17:30 í sal Flataskóla, við Vífilsstaðaveg.
Fulltrúar lögreglunnar fara yfir stöðu mála og þróun brota á tilteknum svæðum og svara fyrirspurnum fundarmanna. Á þessum vettvangi gefst gott tækifæri til að koma spurningum og ábendingum á framfæri við lögregluna.
Á fundinn mæta helstu stjórnendur lögreglunnar í Hafnarfirði auk fulltrúa frá yfirstjórn lögreglunnar og Garðabæjar.
Allir velkomnir, heitt á könnunni.
Fundurinn á facebook - boðaðu komu þína
Kemstu ekki?
Fundurinn verður sendur beint út á netinu á slóðinni: http://www.gardabaer.is/utsending Hægt er að senda fyrirspurnir og ábendingar fyrirfram og á meðan á fundinum stendur á netfangið: opinnfundur@gardabaer.is