Stjarnan íslandsmeistari í hópfimleikum
Stjörnukonur unnu í gærkvöldi Íslandsmótið í hópfimleikum og eru þær þar með ríkjandi Íslands- og bikarmeistarar.
-
íslandsmeistarar í hópfimleikum
Stjörnukonur unnu í gærkvöldi Íslandsmótið í hópfimleikum og eru þær þar með ríkjandi Íslands- og bikarmeistarar. Keppt var í Laugardalshöll en aðeins 0,6 stig skildu Stjörnuna og Gerplu að í gær.
Stjarnan fékk samtals 53,750 stig og þar skipti frammistaða liðsins á dýnu sköpum. Þar fékk Stjarnan 18,050 stig fyrir æfingar á því áhaldi samanborið við 17,150 stig Gerplu. B-lið Stjörnunnar varð í 3. sæti með 42,250 stig.
Lið Stjörnunnar var eitt skráð til leiks í blönduðum flokki og vann þar með sigur. Lið Gerplu sigraði þá í karlaflokki.