Opinn fundur um fjölnota menningar- og fræðamiðstöð 11. apríl
Bæjarstjórn Garðabæjar samþykkti nýverið að skipa starfshóp til að kanna grundvöll fyrir fjölnota menningar- og fræðamiðstöð í Garðabæ. Starfshópurinn boðar til opins fundar um málefni fjölnota menningar- og fræðamiðstöðvar miðvikudaginn 11. apríl nk. Fundurinn er haldinn í Flataskóla og hefst kl. 17:30 og stendur til kl. 19:00.
Hlutverk starfshóps
Hlutverk hópsins er að kanna grundvöll fyrir byggingu og starfssemi fjölnota menningar- og fræðamiðstöðvar í Garðabæ. Hópurinn á að vinna grófa þarfagreiningu þar sem horft er til nýtingar hússins fyrir fjölbreytta menningar- og fræðastarfsemi fyrir alla aldurshópa, s.s. aðstöðu fyrir söfn bæjarins, tónlist, myndlist, leiklist, dans og skapandi greinar almennt, ráðstefnur, kórastarf, tónleikahald og sýningar; frumkvöðlastarfsemi og vettvang til að njóta menningar og lista. Starfshópurinn á einnig að leggja til valkosti um staðsetningu og skila niðurstöðum sínum til bæjarráðs Garðabæjar í lok apríl 2018.Opinn fundur miðvikudaginn 11. apríl kl. 17:30
Starfshópurinn boðar til opins fundar um málefni fjölnota menningar- og fræðamiðstöðvar miðvikudaginn 11. apríl nk. Fundurinn er haldinn í Flataskóla og hefst kl. 17:30 og stendur til kl. 19:00. Á fundinum verður verkefnið kynnt og íbúar fá svo tækifæri til að koma með hugmyndir um hvernig starfssemi eigi heima í fjölnota menningar- og fræðamiðstöð í hópavinnu á borðum. Boðið verður upp á súpu og brauð á fundinum.Allir áhugasamir eru hvattir til að mæta og taka þátt í umræðunum.
Upplýsingar um fundinn í viðburðadagatali Garðabæjar
Viðburður á fésbókarsíðu Garðabæjar.