Leiðakerfisbreytingar og næturakstur hjá Strætó 2018
Sunnudaginn 7. janúar taka í gildi umfangsmiklar breytingar á þjónustustigi Strætó bs. Þjónustutími verður lengdur á leiðum 1, 2, 3, 4, 5, 6, 11, 12, 15 og 18 til klukkan 01:00 á kvöldin. Sex leiðir verða í næturakstri úr miðbæ Reykjavíkur aðfaranætur laugar- og sunnudaga.
-
Strætó
Sunnudaginn 7. janúar taka í gildi umfangsmiklar breytingar á þjónustustigi Strætó bs.
Helstu breytingar eru:
- Leið 6 verður stytt og mun aka á 10 mínútna tíðni á annatímum. Sama fyrirkomulag hefur verið á leið 1 í rúmt ár og hefur það reynst mjög vel.
- Þjónustutími verður lengdur á leiðum 1, 2, 3, 4, 5, 6, 11, 12, 15 og 18 til klukkan 01:00 á kvöldin.
- Sex leiðir verða í næturakstri úr miðbæ Reykjavíkur aðfaranætur laugar- og sunnudaga. Leiðirnar verða eknar á um klukkutíma fresti frá klukkan 01:00 til 04:30. Leið 101 ekur frá miðbæ Reykjavíkur með viðkomu í Garðabæ.
- Sumarið 2018 verður engin sérstök þjónustuskerðing yfir sumartímann eins og tíðkast hefur síðastliðin ár.
Nánar er fjallað um allar leiðakerfisbreytingar og næturakstur hér (pdf-skjal)
Sjá einnig frétt á vef Strætó bs.
Gjaldskrárbreytingar hjá Strætó
Gjaldskrárbreytingar hjá Strætó tóku gildi 3. janúar sl.
- Gjaldskrá hækkar að meðaltali um 4,9%.
- Almennt staðgreiðslugjald og stakt fargjald í appinu er núna 460 kr. eftir breytingu.
- Afsláttarfargjöld fyrir börn, aldraða og öryrkja er núna 220 kr.
Sjá einnig upplýsingar um gjaldskrárbreytingar hér á vef Strætó.