Íbúafundur um framkvæmdir við Lyklafellslínu 1
Opinn íbúafundur
Lyklafellslína 1 (Sandskeiðslína 1)
Þriðjudaginn 21. nóvember kl. 17:15 – 18:45 í Sjálandsskóla, Löngulínu 8
Viðburður á facebook
Framkvæmdir við nýja háspennulínu
Landsnet hf. hefur sótt um framkvæmdaleyfi vegna framkvæmda við Lyklafellslínu 1 hjá þeim sveitarfélögum á höfuðborgarsvæðinu, Garðabæ, Hafnarfirði, Kópavogi og Mosfellsbæ, sem nýja línan liggur um.
Um er að ræða framkvæmdir við nýja háspennulínu frá Lyklafelli í Mosfellsbæ að Hamranesi í Hafnarfirði. Á móti verða fjarlægðar Hamraneslína 1 og 2, sem liggja frá Geithálsi um Heiðmörk að Hamranesi, og Ísallína 1 og 2, frá tengivirki við Hamranes að álverinu.
Um landssvæði Garðabæjar verða reist 3 möstur (af 78) en í staðinn verða 13 möstur gömlu línunnar rifin.
Bæjarstjórn Garðabæjar frestaði afgreiðslu erindis um leyfi til framkvæmda við lagningu línunnar og boðar hér með til opins kynningarfundar með íbúum og öðrum sem láta sig málið varða.
Dagskrá:
Stuttar kynningar
• Fulltrúar Landsnets kynna fyrirhugaða framvæmd við Lyklafellslínu
• Fulltrúar Náttúruverndarsamtaka Suðvesturlands og Hraunavina kynna sjónarmið sín og athugasemdir vegna fyrirhugaðrar framkvæmdar við Lyklafellslínu
• Sjónarmið Hafnarfjarðar
• Umræður og fyrirspurnir fundargesta
Heitt á könnunni, allir velkomnir
Bæjarstjóri Garðabæjar