Framkvæmdir við Ásgarðslaug ganga vel
Framkvæmdir við sundlaugina í Ásgarði ganga vel. Unnið er að lagnavinnu og uppsetningu á búnaði í lagnakjallara sem hýsir sundlaugakerfið og annan búnað sem viðkemur rekstri sundlaugarinnar. Undirbúningur vegna flísalagnar á útisvæði er í fullum gangi og hefst flísalögn á og á sundlauginni sjálfri og pottum fljótlega. Búningsklefar eru langt á veg komnir, lagnavinnu þar að mestu lokið og verið er að leggja lokahönd á flísalagnir í klefunum.
Á efri hæð er verið að gera líkamsræktaraðstöðu við hlið danssalarins og er sú vinna langt komin, aðeins er eftir að setja dúk á gólfið og gler á milli dans- og líkamsræktaraðstöðu.
Sundkennsla í Flata- og Garðaskóla
Sundkennsla í Garðaskóla fellur niður þangað til sundlaugin opnar aftur og í Flataskóla fer sundkennsla í 1. og 3. bekk fram í Álftaneslaug. Aðrir bekkir í Flataskóla fá einn auka íþróttatíma á viku þangað til sundkennsla hefst að nýju í Ásgarðslaug.
Hér að neðan má sjá nokkrar myndir af framkvæmdunum.