Garðyrkjudeild Garðabæjar vinnur að því að hefta útbreiðslu Bjarnarklóar
Garðyrkjudeild Garðabæjar hefur undanfarin ár unnið að því að skrásetja og fjarlægja Bjarnarkló sem finnst á opnum svæðum og öðrum stöðum í sveitarfélaginu til að hefta útbreiðslu plöntunnar. Bjarnarkló er stórvaxin planta af sveipjurtaætt og hefur verið nokkuð vinsæl sem skrautjurt í einkagörðum. Varast ber að rækta þessa tegund þar sem Bjarnarkló er eitruð planta, safinn í stönglinum og blöðunum virkjast af sólarljósi og getur hann valdið alvarlegum bruna á húð og blindu ef hann berst í augu. Bjarnarkló þroskar auðveldlega mikið af fræum og dreifir sér af sjálfsdáðum.
Frekari upplýsingar um Bjarnarkló má fá hjá garðyrkjustjóra Garðabæjar, Smára Guðmundssyni, smarig@gardabaer.is eða verkefnastjóra garðyrkjudeildar, Lindu Björk Jóhannsdóttur, lindajo@gardabaer.is. Einnig má senda þeim ábendingar um vaxtarstaði plöntunnar.