Listviðburður Skapandi sumarstarfa fimmtud. 27. júlí kl. 16-19
Eins og undanfarin ár þá hafa ungmenni unnið að fjölbreyttum sumarstörfum í Garðabæ og þar á meðal í Skapandi sumarstarfi. Verkefnið er hluti af sumarstarfi ungmenna í Garðabæ, 17 ára og eldri, og býðst þar ungu og hæfileikaríku fólki að vinna að sínum eigin listrænu verkefnum yfir sumartímann.
Í sumar var hópurinn skipaður 16 einstaklingum sem hafa unnið að listsköpun og menningartengdri starfsemi í bænum. Verkefni þeirra hafa verið fjölbreytt og tengjast m.a. tónlist, kvikmyndun, grafískri hönnun, ljósmyndun, myndlist, handverki og hreyfimyndagerð svo eitthvað sé nefnt. Hópurinn tók meðal annars virkan þátt í Jónsmessugleði Grósku 22. júní sl. auk þess sem hluti hópsins hefur komið fram við ýmis tækifæri, s.s. á 17. júní, á tónleikum í Vídalínskirkju, farið í Vinnuskóla Garðabæjar og í leikskóla.
Að venju lýkur starfi hópsins með lokasýningu sem að þessu sinni verður haldin fimmtudaginn 27. júlí kl. 16-19 á Garðatorgi. Listviðburðurinn hefst á Garðatorgi 7 og færist svo víðar um Garðatorgið. Allir eru velkomnir á Garðatorgið þennan dag.
Upplýsingar um listviðburðinn má finna hér í viðburðadagatalinu á vef Garðabæjar.
Skapandi sumarstörf halda úti fésbókarsíðu þar sem hægt er að fylgjast með starfi hópsins.