Sumarstörf fyrir ungmenni - umsóknarfrestur til og með 1. apríl
Ungmenni, 17 ára og eldri, geta sótt um fjölbreytt störf í sumar hjá Garðabæ. Sumarstörfin voru auglýst í byrjun mars og umsóknarfrestur er til og með laugardagsins 1. apríl nk. Störf í vinnuskóla fyrir 14-16 ára verða auglýst síðar á vorönn.
Um er að ræða störf í garðyrkju og almenn verkamannastörf, s.s. störf í slætti, flokkstjórastöður í garðyrkju og slætti. Eins og undanfarin sumur er hægt að sækja um störf í umhverfishópum. Einnig eru fjölbreytt störf í boði í stofnunum bæjarins á bæjarskrifstofum, Hönnunarsafni Íslands, Bókasafni Garðabæjar og leikskólum Garðabæjar. Jafnframt eru auglýst sumarstörf á heimilum fatlaðs fólks og fjölmörg störf eru í boði í tengslum við atvinnuúrræði fyrir fötluð ungmenni í sumar. Hægt er að sækja um störf í skapandi sumarstarfi, á sumarnámskeiðum íþrótta- og tómstundafélaga og í flokkstjórastöður í vinnuskóla Garðabæjar.
Ungmenni í Garðabæ eru hvött til að kynna sér nánar þessi fjölbreyttu störf og sækja um sem fyrst eða til og með 1. apríl 2017.
Hér fyrir neðan má sjá yfirlit yfir störfin og nánari upplýsingar um hvert starf fást með því að smella á hlekkinn.
Vinsamlegast sækið um störfin á ráðningavef Garðabæjar
Garðyrkja og almenn verkamannastörf
- Garðyrkja, almenn störf
- Störf í slætti
- Garðyrkja, flokkstjórar
- Flokksstjóri við slátt
- Almenn verkamannastörf
Fjölbreytt sumarstörf
Umhverfishópar
Leikskólar Garðabæjar
Bæjarskrifstofur Garðabæjar
Hönnunarsafn Íslands
Bókasafn Garðabæjar
Heimili fatlaðs fólks
Skapandi sumarstörf
Atvinnutengd frístundaúrræði fyrir fötluð ungmenni
- Atvinnutengd frístundaúrræði fyrir fötluð ungmenni, 17 ára og eldri
- Stuðningur við fatlað fólk, aðstoðarmenn við störf
- Stuðningur við fatlað fólk verkefnastjóri
- Stuðningur við fatlað fólk, aðstoðarmaður verkefnisstjóra
Sumarnámskeið íþrótta- og tómstundafélaga
Vinnuskóli