Haustferðir starfsfólks
Takmörkuð þjónusta verður í Ráðhúsinu og frá þjónustumiðstöð föstudaginn 30. september vegna haustferða starfsfólks
Starfsmenn á bæjarskrifstofum Garðabæjar fara í haustferð til Vestmannaeyja föstudaginn 30. september. Farið verður af stað klukkan 10 og því verður takmörkuð þjónusta á skrifstofunum það sem eftir er dags. Þjónustuverið verður þó opið til kl. 14 eins og aðra föstudaga.
Starfsmenn í þjónustumiðstöð Garðabæjar í Lyngási fara í haustferð um Reykjanes sama dag og því verður þjónusta frá þeim í lágmarki.
Íbúar og viðskiptavinir eru beðnir afsökunar á þeim óþægindum sem fjarvera starfsmanna kann að valda. Þeir sem verða eftir munu þó leggja sig alla fram við að aðstoða þá sem þurfa.