Minningarsjóður Ísafoldar
Vakin er athygli á minningarsjóði Ísafoldar sem nýttur er til að styrkja og efla starf hjúkrunarheimilisins og dagdvalarinnar.
Minningarsjóð Ísafoldar er ætlað að styðja við þjónustu við íbúa hjúkrunarheimilisins og dagdvalargesti. Sjóðurinn er nýttur til kaupa á tækjum, búnaði, afþreyingu, fyrirlestrum og námskeiðshaldi fyrir starfsfólk auk annars sem fellur að gildum og hugmyndafræði heimilisins og stuðlar að áframhaldandi uppbyggingu þess.
Í vor var keypt sjónvarpstæki fyrir peninga úr sjóðnum til að nota við MotiView hjólaverkefnið auk þess sem sjónvarpstækið kom sér vel í EM-Stofu Ísafoldar þegar Íslendingar tóku í fyrsta skipti þátt í Evrópumóti karlalandsliða í knattspyrnu.
Hægt er að styðja við uppbyggingu Ísafoldar með kaupum á minningarkortum auk þess sem velkomið er að gera það með beinum framlögum í sjóðinn, sjá meðfylgjandi reikningsnúmer:
Reikningsnúmer: 546-26-42
Kt. 570169-6109
Hægt er að panta Minningarkort Ísafoldar í síma 535 2200 milli kl. 8:00 - 15:30 alla virka daga eða með því að senda tölvupóst í netfangið isafold@isafoldin.is
Stjórnendur Ísafoldar senda öllum sem hafa Ísafold í huga hlýjar þakkir.