Nýr göngustígur að Vífilsstaðavatni
Hafin er lagning nýs göngustígs að friðlandi Vífilsstaðavatns. Stígurinn mun liggja frá undirgöngunum undir Reykjanesbraut meðfram Vatnsmýri, votlendinu við Vífilsstaðalæk/Hraunsholtslæk sunnan Vífilsstaða að Elliðavatnsvegi. Þar er fyrirhugað að byggja undirgöng undir Elliðavatnsveg með öruggri göngu- og hjólaleið að Vífilsstaðavatni og útivistarsvæðum ofan byggðar.
Með stígnum myndast bein tenging við vinsælt útivistarsvæði í kringum Vífilsstaðavatn. Stígurinn er viðbót við útivistarstíg í hrauninu sem liggur í átt að Vífilsstaðahlíð.
Stígurinn verður þriggja metra breiður, malbikaður með lýsingu, áningastöðum og fræðsluskiltum til fuglaskoðunar.
Áætlað er að verkinu verði að fullu lokið á árinu 2017.
Yfirlitsmynd sem sýnir legu stígsins. (Pdf-skjal, 3.17 Mb)
Hönnun stígs: Landslag ehf.
Verktaki framkvæmdar: Bjössi ehf.