Keppt í fjallahjólreiðum í Vífilsstaðahlíð
Íslandsmeistaramót í fjallahjólreiðum fer fram í Vífilsstaðahlíð sunnudaginn 16. ágúst nk.
Íslandsmeistaramót í fjallahjólreiðum fer fram í Vífilsstaðahlíð sunnudaginn 16. ágúst nk. Mótið er haldið á vegum Hjólreiðasambands Íslands.
Keppt verður á stígum og slóðum í Vífilsstaðahlíð og er brautin nefnd Sómabrautin.
Mótið hefst kl. 10:00 og því verður lokið kl. 12:00. Á meðan á mótinu stendur verður brautin lokuð fyrir almenna umferð sem verður tryggt með brautarvörslu á staðnum.
Skráðir keppendur í öllum flokkum eru 24 samkvæmt vefsíðu Hjólreiðasambandsins.
Rétt er að ítreka að mótið fer eingöngu fram utan vegar og hefur það því engin áhrif á almenna umferð á Heiðmerkurvegi.
Nánari upplýsingar má finna á vefnum www.hjolamot.is