Stjörnustúlkur unnu Pæjumótið
Stúlkurnar í 5. flokki í Stjörnunni fóru á kostum á Pæjumóti TM sem fram fór í Vestmannaeyjum um síðustu helgi.
Stjarnan 1 tryggði sér Pæjumótsmeistaratitilinn eftir að hafa sigrað Fylki sannfærandi 4-1 í úrslitaleik mótsins. Hildigunnur Ýr Benediktsdóttir skoraði tvö mörk, Hrefna Steinunn Aradóttir eitt og Jana Sól Valdimarsdóttir eitt.
Stjarnan 2 vann Bergsbikarinn eftir jafntefli við Víking 2 í úrslitaleik en Stjörnustúlkur skoruðu fyrr í öðrum hálfleiknum og því siguvegarar skv. mótsreglum. Ólöf Sara Sigurðardóttir skoraði mark Stjörnunnar í leiknum. Stjarnan 3 og 4 stóðu sig einnig frábærlega á mótinu og voru stúlkurnar allar til fyrirmyndar á mótinu.
Stjarnan vann einnig hæfileikakeppnina með frábæru dansatriði en 24 félög voru með atriði í keppninni. Þá má geta þess að Jana Sól var valin til að leika í Landsliðs- og Pressuleiknum og stóð hún sig mjög vel.
Sjá einnig frétt á vef Stjörnunnar.
A-liðið er fyrsta mynd með frétt, svo B-liðið (er með þjálfaranum), þá C-liðið með Tm skilti í bakgrunn og að lokum D-liðið.