Góð mæting á fundi um nágrannavörslu á Álftanesi
Nýlega voru haldnir tveir fundir til að kynna nágrannavörslu á Álftanesi
Nýlega voru tveir fundir haldnir til að kynna nágrannavörslu á Álftanesi og tókust þeir vel. Gunnar Einarsson bæjarstjóri hóf fundina og fór stuttlega yfir mikilvægi nágrannavörslu og einnig um mikilvægi samvinnu íbúa um að koma í veg fyrir innbrot og önnur afbrot í bænum. Þá var kynning frá lögreglu höfuðborgarsvæðisins þar sem farið var yfir tölfræði um innbrot í bænum síðustu ár og fundarfólki sagt hvernig best væri að ganga um eignir sínar til að koma í veg fyrir innbrot. Að lokum var kynning á framkvæmd nágrannavörslu í bænum, fundarfólk skráði sig á götulista og götustjórar voru skipaðir.
Hér er að finna glærur frá fundinum.